பெண்ணென்றால்.....

பெண்ணென்றால் கண் என்பர்,

பெண்ணேன்றால் பொன் என்பர்,

பெண்ணென்றால் பூவென்பர்

பெண்களே தெய்வம் என்பார்

பார்!.....என்றும் ஏட்டிலும் பாட்டிலுமே!

நிஜத்தில்....

தெருவில் நின்றிருப்பார்

சொற்களால் இழிவு செய்வார்

கருவினில் கண்டபோதும்

கலைத்திடு அதனை என்பார்!

பின்வருவதறியும் பெண்ணை

பின்புத்திக்காரி என்பார்

நன்மை ஆக்கி தீமை அழிக்கும் பெண்ணை

அழிவதும் பெண்ணாலே என்பார்!!

தெய்வமும் ஆக்க வேண்டாம்

தெருநாயாய் நடத்த வேண்டாம்

வேண்டுவதெல்லாம் இதுவே.....

நிஜமான பெண் விடுதலை வேண்டும்!

வேண்டும் என்றால்

வழங்க வேண்டாம்!!

வழங்க உரிமையற்ற

பெண்ணடிமைப் பிதாக்களே!

வழி விடுங்கள் போதும்

பெண் விடுதலை 

விரைவில் வரும்!!!!

 

நாம் காதலர்களாகவே!!

நாம் காதலர்களாகவே
இருந்திருக்கலாம்..
கண்ணோடு கண் நோக்கி,
கண் ஜாடையாலே பேசி,
கையோடு கைகோர்த்து,
கடற்கரையோரமாய் அமர்ந்து,
சின்ன சின்ன சரசம் செய்து,
இரவெல்லாம் நினைத்து ஏங்கி,
இரவு முடிந்து தூங்கி,
எப்போதும் உன் நினைவாய்.....

நாம் காதலர்களாகவே
இருந்திருக்கலாம்!.........

கல்யாணம் செய்து கொண்டு,
கணவனும் மனைவியுமாகி,
காலையில் அவசரமாய் எழுந்து,
காபி கலந்து, டிபன் செய்து
குழந்தைகளை பள்ளிக்கு அனுப்பி
உன்னையும் கிளப்பி அனுப்பி
நானும் ஆபீஸ் சென்று
இருட்டியதும் வந்து
இரவு வேலைகள் முடித்து
இடைஇடையே பிரச்சினைகள் பேசி
எப்போதும் வேலைகள்
எப்போதும் சுற்றியுள்ள உறவுகள்
எல்லாவற்றையும் சமாளித்து
எங்கே அந்த காதல் நினைவுகள்?
யோசிக்கும் முன் தூங்கி...........

ஆம்!
நாம் காதலர்களாகவே
இருந்திருக்கலாம்!!

கணவனா?காதலனா?...

ஒரு நொடி தாமதமானாலும்

கண்கள் பூத்துப்போகின்றன!!

ஒரு நாள் பார்க்காவிட்டாலும்

கண்கள் கனத்துவிடுகின்றன!

ஒரு நாள் முழுக்க

எங்கேயிருக்கிறாய்

என்ன செய்கிறாய்

என்று கேட்டே

என் ஏர்செல் பில் எங்கோ 

போய்விட்டது!!!

உன் மூச்சுக்காற்றின்

மணத்தை

சுவசிக்காத

என் நுரையீரல்களும்

சுருங்கி விடுகின்றன!!

உன் உதடுகளின்

ஸ்பரிசம்

கேட்டு

என் இதயமும்

துடிதுடிக்கிறது!!

உன்னை

ஒரு முறையாவது

உரசிவிடும் நோக்கில்

என் வேலைகள்

எல்லாம் 

உன் அருகேயே நடக்கிறது!!

உன்னையும் 

உன்னைச்சார்ந்தும்

எப்போதும் யோசித்து

என் சுயம்

முழுக்க

இழந்து விட்டேன் நான்!!

என் தந்தை,தாய்

தமக்கை,தனையன்

தோழிகள் உறவின்ர்

யாரைப்பற்றியும்

யோசிப்பதில்லை நான்!!!

என்னைச்சூழ்ந்து

எங்கும்

வியாபித்திருக்கிறாய்

நீ!!

 

ஆனால்

நீ...

என் காதலன் அல்ல!

கணவன் என்றால்

எல்லொரும்

வியக்கிறார்கள்!!!!!

ஏனிப்படி??.

நன்றி! தாரணிபிரியா!!!!

                                                           பட்டாம் பூச்சி விருது!!!!

                               

                                                      நன்றி!!!!!!!!

                                                      தாரணிப்பிரியா!!!

                                                      மூன்று பதிவை

                                                      போட்டேன் எளிமையாய்!!

                                                      தமிழ் மணத்தில்

                                                      சேர்ப்பதற்க்குள்

                                                      ரொம்ப

                                                      சிரமமாச்சு!!

                                                      அம்மாடி!....

                                                      சேத்தாச்சுன்னு

                                                      பார்த்தா?

                                                      கருவிப்பட்டையைக்

                                                      காணோம்!!!!

                                                      இது என்ன

                                                      தமிழ்மணம் வைக்கும்

                                                      சோதனையா?

                                                      இல்லை

                                                      எனக்குமட்டும்

                                                      வந்த வேதனையா?

                                                      வருத்தம்

                                                      போக்க

                                                      வந்த

                                                      பட்டாம்பூச்சியே

                                                      வருக!!!

                                                      வருக!!!!

                                                      நான்

                                                      இதற்கு

                                                      தகுதியா?

                                                      பதில் 

                                                      தருக!!!

                                                      தருக!!!!!!! 

                                                                                                               

                  

காதல்!

பார்த்திபன் கனவு,
சில்லென்று ஒரு காதல்,
வாரணம் ஆயிரம்
அப்புறம்.......
இன்னும் கதைகளுண்டா?
இரண்டாவதாய் வந்தவளை
இதயத்தில் நிறுத்திய ஹீரோக்கள்கதை
ஆமாம்..........
நேற்றுதான் சொன்னார் அவர்
முடிந்துபோன அவரது
முதல் காதலை!!!!!.

குழவி

மலர்களின் சிரிப்பினைக் கண்டு

மகிழாதார் உண்டோ? உன்

புன்னகை மலர்களைக் கண்டும் 

மகிழாதார்தான் உண்டோ?

நிலவின் தண்மைதனில் 

நெகிழாதார் உண்டோ?உன்

தண்மைனிறை முகத்தழ்கில்

நெகிழாதார் உண்டோ?

மெல்லிசையின் நயம் கேட்டு

மயங்காதார் உண்டோ?உன்

மென்சொல் மொழிகேட்டும்

மயங்காதார்தான் உண்டோ!!

முற்பகல் செய்யின்

நேற்று....

காலை ஆறுமணி 

எழுந்திரு என்றாள் அம்மா!

எட்டவில்லை என் காதுக்குள்

எழுந்து பாயைச் சுருட்டடீ என்றாள்

எங்கே டீ என்றேன் நான்

குளி போ சீக்கிரம் என்றாள்

குத்துகல்லாய் நின்றேன் நான்

சீக்கிரம் கிளம்பு ஸ்கூலுக்கு என்றாள்

சிரித்து கெக்கலித்தேன் நான்!

மாலை மெதுவடையுடன் அம்மா!

பஜ்ஜி எங்கே? என்று பதறடித்தேன் அவளை

படி படி என்றாள் அம்மா

படித்தேன் நான் கதைப்புத்த‌கங்களை!

வீட்டுவேலை கற்றுக்கொள் என்றாள்

விடம்மா என்றேன் நான்

கடமைகளை முடித்து 

களைப்பாய் வந்தாள் அம்மா!

கதை சொல் என்று படுத்தியெடுத்தேன் நான்

முற்பகல் செய்யின் 

பிற்பகல் விளையும் என்றாள்!

ஏட்டுச்சுரைக்காய் என்றேன்!!!

இன்று....

ஏழு மணி ஆயிற்று எழுந்திரு என்றேன்

நேரம் பார்க்கத் தெரியுமா உனக்கு என்றாள்

எழுந்து பாயைச் சுருட்டு என்றேன்

பட்டென்று காலை உதைத்து

எங்கே காபி என்றாள்!

முற்பகல் செய்யின்.....

பிற்பகல் விளையும்!...

என்றேன் நான்!